• Жастарымыз салт-дәстүрімізді көздің қарашығындай бағып жүретін, көптің көкейіне үміт отын жағып жүретін, адамзаттың озық ой көгінде ағып жүретіндей болуы тиіс.
    (Н.Ә.Назарбаев)

  • Жастарымыз салт-дәстүрімізді көздің қарашығындай бағып жүретін, көптің көкейіне үміт отын жағып жүретін, адамзаттың озық ой көгінде ағып жүретіндей болуы тиіс.
    (Н.Ә.Назарбаев)

  • Жастарымыз салт-дәстүрімізді көздің қарашығындай бағып жүретін, көптің көкейіне үміт отын жағып жүретін, адамзаттың озық ой көгінде ағып жүретіндей болуы тиіс.
    (Н.Ә.Назарбаев)

  • Жастарымыз салт-дәстүрімізді көздің қарашығындай бағып жүретін, көптің көкейіне үміт отын жағып жүретін, адамзаттың озық ой көгінде ағып жүретіндей болуы тиіс.
    (Н.Ә.Назарбаев)

  • Жастарымыз салт-дәстүрімізді көздің қарашығындай бағып жүретін, көптің көкейіне үміт отын жағып жүретін, адамзаттың озық ой көгінде ағып жүретіндей болуы тиіс.
    (Н.Ә.Назарбаев)

№22 мектеп-гимназия контингенті

2020-2021 оқу жылы

1025

оқушы оқиды

51.3%

ер-балалар құрайды

89

мұғалім сабақ береді

~39

мұғалімдердің орта жасы

Мектеп тарихы

Білім беру мекемесі Ақтау қаласының 22 шағын ауданы 13–ғимаратында орналасқан. Іске қосылған жылы 2006 жылдың тамыз айы. Жобалық  қуаты 960 бала. Оқытылу қазақ тілінде жүргізіледі. Бастапқы жылдарда білім беру ұйымында 1590-1600 оқушы болса, қазіргі таңда мектептегі оқушы саны жылына 980-1000 оқушы аралығында болады. Мұғалм саны - 89. 

Ақтау  қаласы әкімдігінің 10.03.2015 жылғы №212 қаулысына сәйкес білім беру ұйымының атауы Қазақ мифологиясының негізін қалаушы, публицист, өлкетанушы, лингвист Серікбол Қондыбайдың атына беріліп, мекеме атауы «С.Қондыбай атындағы №22  жалпы  білім  беру  орта  мектебі» коммуналдық мемлекеттік мекемесі болып өзгертілді. Осы аралықты мектепте мектепке дейінгі шағын орталық, даярлық сыныптар, тереңдетілген сыныптар жұмыс жасады.

№22 орта мектеп ҚР Мемлекеттік хатшысы Оралбай Әбдікәрімов, ҚР Сенатының депутаты Ә.Кекілбаев, Маңғыстау облысының әкімі К.Көшербаев және С.Қондыбайдың анасы Тәрбие Өскінбайқызы, облыстық мәслихат депутаттарының қатысуымен ашылды. Жаңа мектептің ашылуына байланысты мектеп директоры Берді Қазиев мырзаға мектептің кілті табыс етіліп, болашақта осы мектепке С.Қондыбай аты берілетіндігі туралы ұсыныс жасалды. 

Мектептің ашылуына байланысты мектеп алдында Маңғыстаулық ғылым С.Қондыбайдың мүсіні қойылып, ғалымның құрметіне мұражай ашылды. Мұражайда ғылымның еңбектері: «Арғы қазақ мифологиясы» Алматы 2004 ж. 4 томдық, «Маңғыстаунама» Алматы 2006ж. , «Қазақ мифологиясы кіріспе» Алматы «Арыс» 2005ж., «Казахская мифология» Алматы «Нұрлы әлем» 2005ж., «Гиперборея: түс көрген заман шежіресі» Алматы «Үш қиян» 2002ж., «Жауынгерлік рух кітабы» Алматы «Нұрлы әлем» 2006 ж. және С.Қондыбайдың өз қолымен жазған қолжазбалары , оның өз тұрған уйінен әкелінген экспонаттар: компьютер, радио, мүгедек қоларбасы, қаламсап, қолкітапша т.б. бар. Сонымен бірге С.Қондыбайдың еңбектеріне байланысты маңғыстаулық суретші Абланова Жұмагулдің «Серікбол әлемі бейнелеу өнерінде» тақырыбында салған бірнеше картиналары бар. Мектебімізде мереке күндері және С.Қондыбай туған күніне байланысты ұйымдастырылған мектепшілік шаралар С.Қондыбай мүсіні алдында өткізіліп тұрады. 

2008 жылдың наурызында С.Қондыбайдың 40 жасқа толуына байланысты қалалық «Ұлы дала рухының жаршысы» атты ғылыми конференция өткізілді. Конференцияға С.Қондыбай еңбегін зерттеп жүрген А.Еділханов, Б.Ақбердиева, М.Ақмырзаев, Ж.Дүйсенбаева сияқты өлкетанушы ғылымдар, әйгілі суретші Ж.Абланова, С.Қондыбайдың анасы, апасы Б.Қондыбаева т.б. тумаластары және қала мектебінің тәрбие ісі жөніндегі орынбасарлары қатысты. Конференцияда мектеп оқушылары С.Қондыбай өмірінен сахналандырылған көрініс қойып жас шеберлер Избаева Болар апайдың жетекшілігімен «Серікбол әлемі-шеберлер көзімен» атты көрме ұйымдастырды. Конференцияның келесі бөлімі Серікбол еңбектерін зерттеуші жас дарындылар тобы өздерінің С.Қондыбайдың еңбектерін зерттеу жұмыстарымен таныстырды. Облыстық ғылыми конференция Б.Қазиев, С.Уразбаевалардың басшылығымен жоғары деңгейде өтті. Мектебіміздің ұстаздары Ж.Қобланов, З.Аймағанбетова, Ж.Батырова оқушыларды ғалымның шығармаларымен таныстыруда зор үлес қосып жүрген шығармашыл ұстаздар.

№22 орта мектепте жыл сайын С.Қондыбай шығармашылығын жас ұрпаққа таныстыру мақсатында тәрбие сағаттары, сынып сағаттары, диспуттар т.б. түрлі іс-шаралар өткізіліп тұрады. Мектептің жас ақындарының С.Қондыбайға арнап шығарған өлеңдер жинағы шығарылып, газет бетіне жарияланды. Мектебіміздің әрбір сыныбында С.Қондыбай өмірі мен шығармашылығына байланысты буклеттер, рефераттар, кітапшалар жинақталған, ал кіреберіс залда С.Қондыбай өмірі, еңбектері, ұлағатты сөздері жинақталған көрме стенд бар. Мектебімізде география және тарих сабақтарында тақырыпқа байланысты С.Қондыбай деректерін, монографиясын, мысалы: география сабағында С.Қондыбайдың «Маңғыстау географиясы»  кітабын пайдаланады. 

Мектептің дарынды оқушылары С.Қондыбай шығармашылығын зерттеумен айналысып қалалық сайыстарға, ғылыми конференцияларға қатысып жүлделі орындарға ие болды. Мысалы: А.Хажғалиева, А.Е. Хасанов, Ұ.Қалпыш, З.Оспанова, А.Қыдырбаева, Н.Қобланов, т.б. мектебіміздегі С.Қондыбай музейіне облысымыздың әр түкпірінен оқушылар келіп музей экспонаттарымен танысып тұрады. Мысалы: Республикалық олимпиадаға келген Ақтөбелік оқушылар да келіп, С.Қондыбай өмірімен танысып музейге өз қолтаңбаларын қалдырды. 

2007 жылы Фариза және Мұқағали ақындарға арналған әдеби кеш өтті. Кеште азамат ақын, ғалым-педагог Аяпбергенов Рахмет оқушылардың сұрақтарына жауап беріп, өз ойларын ортаға салды.  

2008 жылдың наурыз айында С.Қондыбайдың облыс көлемінде ғылыми конференциясы өткізілді. Техника ғылымдарының кандидаты Аралбай Демегенов, өлке жазушысы Әбілқайыр Спан және серікболтанушылар ғылыми пікірлерін ортаға салды.  

2010 жылы біздің мектебімізге Республикалық  «Ел арна» «Хабар» телеарналарынан журналистер келіп, С.Қондыбай туралы деректер іздеп, оның шығармашылығымен айналысатын оқушылардан сұқбат алып, мектеп оқушыларына тілектерін айтып, мұражайға өз қолтаңбаларын қалдырды. Мұражайға келушілерге арналған кесте қойылған, сәрсенбі, бейсенбі күндері аптасына 2 рет қызығып немесе зерттеушілік мақсатпен келгендерге есігі ашық болады. Облысымыздың түкпір- түкпірінен зерттеушілік мақсатта келуші оқушыларда аз емес, бұл бізді үнемі қуантып отырады.

2012 жылы қыркүйек айында мектеп жанынан 4-6 жас аралығындағы 27 бүлдіршінге арналған «Балауса» шағын орталығы ашылды. Жыл сайын балалардың жазғы демалысын тиімді өткізу мақсатында «Ақжелкен» сауықтыру орталығы жұмыс жасайды.  

2012 жылдың  қарашасында мектебімізде өлкеміздің атақты зерттеуші ғалымдар А.Еділханұлы, Б.Ақбердиева, М.Ақмырзаевтар, С.Айтуарлардың қатысуымен дөңгелек үстел өтті.

2013 жылы Серікболдың 45 жасын атап өту мақсатында облыстық «Үздік сабақ» байқауы да біздің мектебімізде өткізілді. Бұл байқауға облысымыздың түкпір-түкпірінен ұстаздар келіп, Серікбол шығармаларын жас ұрпаққа таныту мақсатында ашық сабақтар жүргізіп жаңа педагогикалық технологиялардың әдіс-тәсілдерін шеберлікпен көрсете білді. Биыл біздің мектебіміз мұражайдың танымдық әлеуетін жетілдіру мақсатында «Серікбол және отбасы», «Ғылымның шығармашылығы», «Серікболтану: кеше, бүгін, ертең» тақырыптарына банерлер дайындап, мұражайдың қорын молайтты. Мұражай бөлмесінің тарлығына байланысты үлкен бөлмеге көшіріліп, мұражайды жаңарту жоспарлануда.

2014 жылы Маңғыстауға іс сапарында мемлекет хатшысы Әбдіқалықова Гүлшара Наушақызы  мектебімізге ат басын тіреді. Гүлшара Наушақызы ұлы мифолог Серікбол Қондыбайдың музейімен танысып, жаңа технологиямен жабдықталған сынып бөлмелерін аралап, деңгейлік курстан өткен жоғары санатты ұстаздардың сабақтарына қатысты.  

2016 жылы «Қазақ фильм» киностудиясының шығармашылық тобы біздің мектебімізге келіп, А.Тілекбаеваның Серікболтану шығармашылығы бойынша зерттеу сабағын түсіріп, оқушылардан сұқбат алып, музейде серікболтанушы Б.Ақбердиевамен кездесіп, деректі фильмге материалдар жинақтап алды.

2016 жылы облыстық «Дарын» орталығының «Серікбол әлемі» тақырыбында интеллектуалды сайысы біздің мектебімізде жүргізілді.Оқушыларға арналған интеллектуалды сайыстың «Серікболтану» бөлімі бойынша І орынды №22 мектеп иеленді. Серікболтану музейі 2017 жылы қалалық «Үздік музей» сайысында ІІІ орын алды.

2016 жылы мектеп ашылуының 10 жылдық мерейтойы атап өтілді. Шара  өте жоғары деңгейде өтті. Мерекеге қала, облыс білім басшылары, депутаттар шақырылды.  

2017жылы Есенов атындағы университеттің филология факультеттерінің студенттерімен бірігіп «Жарқ еткен жұлдыз» тақырыбында ғылыми конференция ұйымдастырылды.  

2018 жылдың қаңтарынан 3 бағытта факультатив сабақтары енгізілді. 5-6 сыныптарға «Серікболтану тарихи линвистика әлемінде» тақырыбында факультатив сабақты А.Тілекбаева жүргізеді. 7-8 сыныптарда «С.Қондыбай шығармаларындағы лингвистикалық география» факультативін жоғары санатты география пәнінің мұғалімі Ж.Сағитжанова, ал 9-10 сыныптарға «Мифологиялық лингвистика» тақырыбындағы факультативін Ш.Есенов атындағы университеттен ф.ғ.к Б.Ақбердиева өткізеді. 

2018 жылы Қазақфильм киностудиясы мектебімізде болып С.Қондыбай туралы мектеп оқушыларының қатысуымен «Рух жауынгері» деректі фильмін түсірді.  

2018 жылы Шоқан-ғұмыр кешкен, мифология ғылымының негізін салушы С.Қондыбайдың туылғанына 50 жыл толуына орай облыс көлемінде « Ұлы дала рухының жаршысы» атты кеш өткізілді. Серікбол шығармаларының жарық көруіне ең алғаш қарлығаш көмегін тигізген Тоқтамыс Сайын Назарбек, зерттеуші-ғалым Алқажан Еділхан, филология ғылымының кандидаты Жанбибі Дүйсенбаева, Ақбердиева Балкенже келелі ой, жүйелі әңгіме айтып, кеш қонақтарына рухани азық берді. Облыстық және қалалық білім бөліміның басшылары С.Қондыбай шығармашылығы бойынша зерттеу жұмыстарын жүргізген оқушылар мен ұстаздарды алғыс хаттармен марапаттады. 

2018 жылы Түркияның «Sabanci» университетінің өкілдері келіп, мектебімізде облыстық олимпиада жоғары деңгейде өткізілді. Олимпиадаға Дарын орталығының басшылары, университет өкілдері қатысты. 

Мемлекет басшының «Қазақстанның Үшінші жаңғыруы жаhандық бәсекеге қабілеттілік» атты жолдауында елімізде үлкен экономикалық және технологиялық даму болуы тиістілігі баса айтылды. Ал ол үшін, ең алдымен IT сыныптарына басымдылық берілді.Елбасы жолдауын жүзеге асыру мақсатында Нұр Отан партияның қолдауымен «Цифрлы технология озық отыздыққа оздырады» №204 IT Class кабинеті 2018 жылы  ашылды. Кеш қонақтары:Қалалық білім үйлестіру орталығының бастығы:  Үмбетова Ж.Ж.

Маңғыстау облыстық филиалы төрағасының бірінші орынбасары: Тумышев Н.Л.

Ақтау қаласының Нұр Отан партия филиалының төрағаның орынбасары Мәулетбаева А.Қ.

Бұқаралық ақпарат өкілі: Замира Пулатбаева  

Облыстық Нұр-Отан партиясының қолдауымен 2018 жылы 5 мамырда ұландар мерекесіне орай « Ауған ақиқаты» атты ардагерлермен кездесу өтті. Батылдық пен ерліктің символы Айбек Сұлтанқұлұлы, Ильяс Ықыласұлы, Мұратбай Қанекейұлы оқушыларға патриоттық рух берді.  

Жалпы музей өзінің жаратылысы жағынан ғылыми-зерттеу және мәдени-ағарту мекемесі болып табылатынын баршамыз жақсы білеміз.  Осы мерекемен қатар 2019 жылдың  мамыр айында халықаралық музей күні қарсаңында  «Ұлы даланың жаршысы» болған,ежелгі түркі дәуірінен жетіп, дүниетанымызда, аңыз-ертегілерімізде сақталған мифке қайта оралып, арғықазақ мифологиясының негізін салушы қасиетті Маңғыстаудың талантты перзенті, біртуар азамат, тарихшы, мифолог, зерттеуші ғалым Серікбол Қондыбайдың өмірі мен шығармашылығына арналған мектеп музейі ашылды.  Бұл мектеп музейі педагогтар мен оқушылардың қайнаған шығармашылық орталығы болғалы тұр. Осы орайда музейдің толықтырылып жаңаруына қарлығаш көмегін аямай, тілеулес болған азамат, Маңғыстау облысының әкімі - Трұмов Серікбай Өтелгенұлы. Мұражай лентасын  бауырмалдықтың, туыстықтың, ынтымақтықтың символы Балсұлу апай және өлкетанушы ғалым Алқажан Меделханұлы қиды.  

«Тақиялы періште» кинофильміндегі басты кейіпкер Тайлақтың рөлін сомдаған актер, аңыз адам Әлімғазы Смағұлұлы Райымбеков атамызбент 2019 жылы мектебімізде әдеби кеш өткізілді. Кеш барысында Әлімғазы ата шығармашылық өміріндегі қызықтарымен бөлісіп, өмірдің мәнісі туралы айтқан ғибратқа толы сөздері оқушыларды ұйытты.  

«Ақынын ұлықтаған ел бақытты» демекші, шежіреші Светқали Нұржан, қазақи нақышты насихаттау мақсатымен дизайнер, жеке кәсіпкер Тәрбиа Айдынбаева, ақын Мурсалова Жұмагүл, Әнуар Бимағамбет, театр әртісі Нұрсұлтан, Жазира Жексенбаевтар, әнші Сұңғат Баймұратұлының  шығармашылығына арналған «Өнерімді еліме арнаймын» атты әдеби-сазды кеш өткізілді. Іс - шараның мақсаты – оқушыларымызды жерлес ақынымыздың шығармашылығымен таныстырып, кіші буын жастарға патриоттық рух беріп, адамгершілік қасиеттерге баулу. 

С.Қондыбай атындағы №22 мектеп-гимназиясы» КММ 2019 жылы қазан айында жас спортшы Бекзат Нұрдәулетовпен кездесу өтті. 81 кг салмақта, Ресей елінде Екатеринбург қаласында өткен бокстан әлем чемпионатынан қазақ еліне жаңа жұлдыз сыйлаған, әлем чемпионы атанған қазақ баласы, жерлесіміз Бекзат Нұрдәулетов мектеп ұстаздары мен оқушыларымен кездесті. Білім ордасында өткен кездесуде жас спортшы жиналған оқушылардың сұрақтарына жауап беріп, дүбірлі додалар төңірегінде әңгіме өрбітті.  

Мектебіміз бұқаралық ақпарартт құралдарымен үнемі байланыста. Атап айтар болсақ, мектеп басшысы С.Қ.Жүзбергенов өзінің іс-тәжірибесімен бөлісу мақсатында 24kz , Қазақстан-Ақтау телеарнасының «Мәміле» хабарында сұхбат берді.

Мектебіміздің ұстаздары Амантурлиева Гүлшат,  Джумалабаева Дәмеш,  Тлекбаева Айнұр, Қойбағарова Амангүл, Бекбаева Айымгүл Қазақстан-Ақтау телеарнасында өздерінің озық тәжірибелерін ортаға салды.

Сонымен қатар оқушыларымыз Құрбанбай Гүлназ, Болатбай Абай, Сүлеймен Елдос  Қазақстан-Ақтау телеарнасының «Түскі тақырып» бағдарламасында С.Қондыбайдың шығармашылығы төңірегінде әңгіме өрбітті.

 

Мектеп – жасөспірімнің рухани дүниесінің ортасы, еліміздің басты байлығы ұрпағымыздың тәлім-тәрбие алар білім ордасы. Осы киелі мекенде  тынымсыз еңбек ететін, жұмысын, жан жомарттығын балаларға арнайтын, толағай табыстарға жетелейтін ұстаздар қауымының ______________________шоқтығы әрдайым биік тұрары хақ!  

2020 жылдың сәуір айында Серікбол Қондыбайдың еңбектерін өскелең ұрпақтың бойына тереңрек сіңіру мақсатында Ақтау қаласы әкімдігінің 13.04.2020 жылғы №774 қаулысына сәйкес «С.Қондыбай атындағы №22  мектеп-гимназиясы» коммуналдық мемлекеттік мекемесі болып өзгертілді.  


123456 

Мектеп туралы

 

zero!
zero!